Berkoa Makina Erreminta Xabier Ortuetaren bisita jaso dugu, AFM (Advanced Manufacturing Technologies) Espainiako makina-erremintaren fabrikatzaileen elkarteko zuzendaria. Bisitaren helburua Berkoa S.Coop-en proiektu berritzaileenetako bat aurkeztea izan da, soldadura-saiakuntza-banku aurreratua, SoldAvanza.

Aurkezpen honetan Lortek Zentro Teknologikoak, Jaione Ganzarain zuzendari nagusiak eta Maitane Ipiñazar Merkatu eta Zerbitzu Teknologikoetako zuzendariak ere parte hartu dute. Aipatzekoa da Lortek proiektu honetan duen parte hartze garrantzitsua.

SoldAvanza proiektua Marruskadura Birakaria Soldatzeko saiakuntza-banku bat da, eta bertan soldadura-prozesurako gaitasun teknologiko aurreratuak dituzten sistema berriak garatzen dira. Lantzen diren berrikuntzek sentsore txertatuak erabiltzen dituzten prozesuen kontrol sistema berri batean (BLSC 4.0) oinarritzen dira, baita prozesu anitzeko gaitasunak eta material anitzeko fabrikazioa ahalbidetzen duten unitate edo azpisistema berriak ere.

Proiektu honekin, fabrikazio adimendunaren merkatuaren joerari erantzun nahi diogu, zeinak instalazioak eskatzen dituen kontrol, monitorizazio eta datuen analisi irtenbide aurreratuak eskaintzea, trazabilitatea eta ekoizpen prozesuan kontrol handiagoa ahalbidetzen dutenak.

Etorkizun hurbilean Berkoatik bisita antolatuak eskainiko ditugu proiektu hau interesa duten enpresa guztiei aurkezteko.